Como todos os anos, desde o departamento de Educación Física, facemos un repaso do protocolo para seguir en caso de atoparnos cunha situación de posible parada .
Este ano fixemos fincapé na importancia que se lle dá desde a área sanitaria a este tipo de protocolos e de como se pretenden adaptar para que todo o mundo, non só os profesionais (médicos, persoal sanitario, socorristas…), teñan os coñecementos básicos en canto ao protocolo para seguir neste tipo de situacións.
Os protocolos van cambiando e países de todo o mundo reúnense cada certos anos para adaptar os protocolos e facelos de fácil acceso á poboación, para que calquera poida levar a cabo este tipo de actuacións.
Na última reunión a nivel mundial en canto a formas de proceder en casos de paradas cardiorrespiratorias, viron a importancia de acurtar pasos que poden resultar máis complicados, como pode ser insuflar aire, e priorizar outros como é o bombeo de sangue ao corazón (é máis importante bombear que insuflar aire, xa que o sangue é a que transporta o osíxeno ao cerebro) e canto antes empecemos coa masaxe cardíaca, menores serán as secuelas en caso de reanimación.
Sen máis, déixovos un resumo de como son os pasos para seguir do último protocolo de RCP básico.
1. Asegurar a zona
2. Comprobar a consciencia( estímulos auditivos)
3. Se non responde. Pide axuda sen abandonar á vítima e acto seguido colocala en posición de reanimación.
4. Abrir as vías aéreas ( manobra fronte-queixo)
5. Comproba a respiración. Se respira: Posición lateral de seguridade e chamamos ao 112 ó 061. Se non respira, chamamos ao 112 ó 061 e comezamos coa masaxe cardíaca.
