Con
motivo da conmemoración do Día
Internacional contra a Violencia de Xénero, o 25 de novembro de
cada ano, a Concellería de Igualdade do Concello de Vigo e mailo Consello
Municipal da Muller poñen en marcha un conxunto de accións dirixidas a
sensibilizar a sociedade sobre a violencia que se exerce contra as mulleres.
Desde o convencemento de que é a mellor estratexia contra a violencia de
xénero, traballamos no eido da prevención e concienciación, principalmente coa
xente moza, para conseguir que as novas xeracións se impliquen activamente para
construír unha sociedade máis xusta e igualitaria para todas e todos.
Por
iso , o alumnado de 3º e 4º da ESO tivo durante o mes de novembro diferentes
actividades para traballar e afondar sobre a violencia de xénero. Ao longo
deste mes, nas tutorías e nalgunhas materias tratouse este tema, pero ademáis
no caso destes dous curso, tiveron a oportunidade de ter unha charla, o día 11 de novembro, máis
dirixida a como previla, identificando de primeira mán o que son os
micromachismos, que tipo de condutas deben evitar,.... O máis importante é
previr, polo que esta charla terá un peso importante no futuro do noso
alumnado.