O pasado 26 de marzo o alumnado de 3º e 4º da ESO tiveron a sorte de poder desfrutar
dunha charla sobre doazón de órganos e tecidos, que se atopa recollido dentro
do programa de divulgación en doazón e transplantes 2020/2021.
Dentro desta charla afondamos en contidos tan importantes como son os
distintos tipos de tecidos e órganos que se poden doar, que condicións son as
que permiten realizar unha doazón, a importante loxística que con leva poder
levar adiante a doazón e o correspondente transplante, así como a experiencia
de vivir cun órgano transplantado.
Cabe destacar que España é líder en doazón de órganos. Pese a vivir o ano da pandemia do Covid, máis
de 4400 persoas recibiron unha segunda oportunidade.
O alumnado quedou impresionado con todo o explicado e ademais co relato en
primeira persoa de xente que puido desfrutar dunha segunda oportunidade ao
recibir un transplante.
Citando a Dolores, unha muller que leva mais de 19 anos transplantada, “Aínda
que os receptores non saben quen lles doa o órgano, non habería suficientes
palabras para agradecer á familia que lles permitiu ter esta 2º oportunidade”.
Moitas grazas por compartir con nos esta experiencia.
